ලෝක කුසලානයේ අතුරු ප්‍රයෝජන හෙවත් තරඟාවලිය පණුවෙක් කිරීම...

දැන් වේලාව රෑ 12:17 යි.  අද (4/2/2011) රටට වැදගත් දිනයකි. මන්ද අපගේ රටට දෙවෙනි ලෝක කුසලානය ලබා ගැනීමේ අවස්ථාවක් ලැබී ඇති බැවිනි. අද නම් රටේ වුන්ට ක්‍රිකට් පිස්සුව හොඳටම තදවී ඇත. එක අතකින් එහෙම නැති එකාට වෙන පිස්සුවක් ඇතැයි සිතිය හැක. රටම ක්‍රිකට් ගැන කතා කරයි. තව සතියක් දෙකක්ද මෙලෙසම කතාකරනු ඇත.

දින්නොත්
             සතියක් දෙකක් යනතුරු ලංකාව උදේනියක් වෙයි. මෙලෝ යකෙක්ට කෑම බීම පවා මතක් වෙයිදැයි සැක සහිතය.

පැරදුනොත්
             තේරීම් කමිටුවේ සිට ක්‍රීඩකයන්ගේත් තව එක එක වුන්ගේත් අම්මලා තාත්තලාට කිඹුහුම් යැවීමට සලස්වයි. කෙස් පැලෙන විචාර දෙයි.  කොහෙද අරූ හිටියනම් ගහනවනෙ මූ හිටියනම් ගහනවනෙ කියයි.

මොනව වුනත් තව සතියක් වත් වනතුරු අගල බොර වෙලා තියෙයි.හොඳට මාලු බාන්න පුලුවන්. කල දුටු කල වල ඉහගං.. බොරදියේ මාලු බානවා වැනි කියමන් අදටත් වලංගුයි මම හිතන්නෙ.

කට්ටියට තේරෙන්නේ නෑ මම හිතෙන්නෙ මම කියන දේ. කමක් නෑ. කමක් නෑ. කලබල වෙන්න එපා ලමයි ඔහොම යනකොට නිකන්ම තේරෙයි.

ආ.... ඒක නෙමෙයි. තෙල් අඩු කරලලු නේද? පෙට්‍රල් රු.-10කිනුත් ඩීසල් රු.-3කිනුත් භූමිතෙල් රු.-10කිනුත් අඩුවෙලා මට ඇහුන හැටියට නම්. ඒක නම් ලොකු දෙයක් අප්පා මේ දවස්වල හැටියට. මමත් බොහොම අමාරුවෙන් රෝල ගහගෙන යන්නේ. මටනම් වටින්නේ ලාම්පුතෙල් අඩුවෙච්ච එක මොකද රෑ නිදිමරාගෙන බ්ලොග් ලියනකොට එලිය දෙන්නෙ කුප්පි ලාම්පුව තමයි ඉතින්.

මට හරිම ආඩම්බරයි ඒ වගේ තෙල් මිල බැහැපු දවසක මුල් පැයේම මම ලාම්පුවත් පත්තු කරං බ්ලොග් ලියනවා. හි..   හි..

පස්සෙ හම්බවෙමු.(මම දවසක කාටදත් මෙහෙම කිව්වා මතකයි. හැබැයි ඒ පස්ස නම් තාම ආවේ නෑ....  :)   )

ලංකාවට ජය!

-හරී-