12.31.2012

සුභ නව වසරක් වේවා!

එක දවසක් උදේ තරුණ වයසේ හිටපු ළමයි පිරිසක් එක්තරා දේශන ශාලාවකට වෙලා බලන් හිටියෙ දේශකතුමා එනකන්. දේශනය සඳහා දේශකතුමාගේ මේසය සූදානම්ව තිබුණා. චාම් මේස ඇතිරිල්ලක් මේසය වසාගෙන සිටිද්දී රෝස මල් පිරුණු පෝච්චිය මේසයට අලංකාරයක් ගෙනදුන්නා. එහෙත් එතන සිටි ළමුන්ගේ සිතගියේ මේස ඇතිරිල්ලට වත් මලින් පිරීගිය බඳුනටවත් නොවේ. වෙනදා මේසය මත නොදකින අමුතුම දේවල් කීපයක් එහි තිබුනා. තරමක් කට ලොකු භාජනයක් හා තරමක් විශාල තිරුවානා ගල් කිහිපයක්.

මඳ වේලාවකින් දේශකතුමා ශාලාවට පැමිණියා. ඔහු දේශනය ආරම්භ කළා.  "මේ භාජනය පුරවන්න මේ ලොකු ගල් කැබලි කීයක් ඕනද?" පළමු ප්‍රශ්නය.

ශාලාවේ තැනින් තැනින් අත් එසවුනා.  නොයෙකුත් පිළිතුරු කියවුනා. එයින් සෑහීමට පත්වූ බවක් පෙන්වූ දේශකතුමා ළමුන්ගේ උද්‍යෝගය මැද භාජනයට ලොකු ගල් එකිනෙක දමන්නට උනා. ටිකකින් භාජනයේ කටට අවසාන ගලත් එකතු උනා. "දැන් මේ භාජනය පිරිලද?"

ළමුන් සියලු දෙනාම ඊට එකඟ උනා. ඉන්පසු කුඩා ගල් කැබලි පිරි භාජනයක් මේසය යටින් ඔහු ගත්තෙ මුවට මඳ සිනාවක් නඟාගනිමින්. කුඩා ගල් කැබලි එකිනෙක භාජනයට වැටෙන්න උනා. ඒවා ලොකු ගල් අතර හිඩැස් වලට පිරවුනා. භාජනය පිරී ඇතැයි කියූ ළමයි තමුන්ටම සිනා වෙමින් සිටියා. දෙශකතුමා භාජනය සොලවමින් අවසාන කුඩා ගල් කැබැල්ලත් එකතු කළා. "දැන් මේ භාජනය පිරිලද?"

ළමුන් සියලුදෙනාම 'නෑ' කිව්වා.  පිළිතුරෙන් සෑහීමට පත් දේශකතුමා වැලි බඳුනක් ගෙන එයට හැලූ විට එය දරාගැනීමට තරම් භාජනය පොහොසත් උනා. සෙලවෙමින් තිබූ භාජනයට වැලි පිරවීමේ සීමාව ඉක්ම ගියා."දැන් මේ භාජනය පිරිලද?"

සමහර ළමුන් 'නෑ' කිවා.  ඔවුන්ට ප්‍රශංසා කළ දේශකතුමා ජල භාජනයක් ගෙන වත් කළා. අලුතින් පැමිණි ජලය දරා ගැනීමට භාජනය හැකි උනා. ජලයත් උපරිම සීමාවට පැමිණියා. "දැන් මේ භාජනය පිරිලද?"

ළමුන් තුශ්ණිම්භූතව හිටියෙ පිළිතුරක් හිතාගැනීමට නොහැකිව. "ළමයිනේ, දැන් භාජනය පිරිලා"

"හොඳයි කියන්න බලන්න මේකෙන් ගන්න පුළුවන් පාඩම මොකක්ද?"

එවිට නම් සියලුදෙනා නිශ්ශබ්දව සිවිලිම දෙස බලන්නට, ඔලුව කසන්නට, කල්පනා කරන්නට වුවත් එක අතක් එසවුණා.  "අපි හොඳට හිතලා මතලා කටයුතු කරනවා නම් අපි හිතනවාට වඩා ගොඩාක් දේවල් ජීවිතයට ළඟා කරගන්න පුළුවන්" අනිත් ළමයිනුත් ඒ පිළිතුරේම වගේ. පිළිතුර හරිද?

"නෑ ළමයි. ඒක නෙමෙයි ගන්න පුළුවන් ආදර්ශෙ. අපි මේ ලොකුගල් කලින් නොදැම්මානම් මේ භාජනයට අපිට එක ලොකු ගලක්වත් දාන්න වෙන්නෙ නෑ"

"මේ ලොකුගල් කියන්නෙ ඔයාලගෙ ජීවිතේ වඩාත් වැදගත් දේවල් කියලා හිතමු. ඒවා කලින් නොකර ඒවාට මුල් තැන නොදී වෙන වෙන ඒවා කර කර හිටියොත් කවදාවත් වැදගත් දේවල් කරගන්න බැරිවේවි."

ඉතින්  ජීවිතේ වඩා වැදගත් ඒවාට කාලය යොදන්න ලැබෙන වැදගත් නොවැදගත් මොනවාද කියලා හඳුනාගන්න නුවණ ලැබෙන සුභ නව වසරක් වේවා!

Happy New Year 2012 + 1! 



12.19.2012

භූමිකම්පාවක් ආවොත්...

භූමිකම්පාවක් කියන්නෙ අතිශය විනාශකාරී ස්වාභාවික විපත්තියක් බව අමුතුවෙන් කියන්න දෙයක් නෑනෙ. භූමිකම්පාවක් තවත් භායනක වෙන්න හේතුවක් තමයි කිසිම විදිහකින් ඒ පිළිබඳ අනාවැකි කීමට නොහැකි වීම. සුළි සුළං, ටොනාඩෝ, සුනාමි වැනි තත්වයන් වලදී අනතුරු ඇඟවීම් කළහැකි වුවත් භූමිකම්පාවක් සිදුවීමට පෙර ඒ ගැන අනාවැකි කියන්න තරම් තවමත් තාක්ෂණය දියුණු වී නෑ.

'භූමිකම්පාවක් වෙන්නේ කොහොමද?' කියලා හැමෝම දන්නවානෙ. ඉතින් ඒ ගැන නොකියා භූමිකම්පාවකදී එයින් සිදුවන හානිය අවම කරගැනීමට කළයුතු දේවල් මතක් කරන්නයි මේ හදන්නෙ. හැබැයි බොහොම කෙටියෙන්. 'ලංකාවට මොන භූමිකම්පාද?' කියලා නොහිතා කියවන්ඩ පුළුවන් නම් හොඳයි. මොකද සුනාමි එන්න කලින් අපි සුනාමියක් දැනගෙන හිටියෙත් නෑනෙ.

12.13.2012

නත්තල් කන්නේ කොහොමද?

පාසල් මවගෙන් සමුගෙන බොහෝ කල් ගතවී තිබේ. එකල දැනසිටි බොහෝ මිතුරන් දැන් තාත්තලාය. දරුවන්ගේ වැඩකටයුතුත් රාජකාරී කටයුතුත් අතර හිරවී ඇති වැඩිහිටි ජීවිතය විරාමයකින් තොරව ඔහේ ගලායමින් තිබිණි. නමුත් හදිසියේ සියල්ල වෙනස් විය. ඇත්තෙන්ම මොහොතකට ලද විරාමයක් සියල්ල වෙනස් කළේය. හදිසියේම මාගේ පැරණි මිතුරන් කිහිපදෙනෙක් හමුවීමට, ඔවුන් සමඟ සල්ලාපයේ යෙදීමට හා උගුරක් තොල ගෑමට  අවස්ථාව පෑදිණි.

12.07.2012

ජුදයින්ගේ කැලැන්ඩරේ

මේ ඉන්නෙ මම. මම ජුදෙව්වෙක් බව ඕගොල්ලො දන්නවා ඇතිනෙ. නොදන්න අයත් ඇති ඉතින්. ජුදෙව්වෙක් කියනවාට අමතරව ඉශ්‍රායලයෙක් කිව්වත් වරදක් නෑ. කැමතිනම් හෙබ්‍රෙව්වෙක් කියලා උනත් කියන්න පුළුවනි. මොකද හෙබ්‍රෙව්වන්ගෙන්(Hebrew) කොටසක් තමයි ඉශ්‍රායෙල්වරු (Israelite) උනේ එයිනුත් කොටසක් තමයි ජුදෙව්වො ( Jewish) උනේ. මම දැක්කා මේ විස්තර බ්ලොගයක තියෙනවා. මෙතනින් ගියොත් ඒ විස්තර බලන්ඩ පුළුවනි.
Related Posts Plugin for WordPress, Blogger...