අයින්ස්ටයින්ගේ තේරවිල්ල......

මේ post එක බොහොම ඉක්මනට ලියලා දාන්නයි යන්නේ. අද මම කියන්න යන්නේ අයින්ස්ටයින් 1800 ගණන් වල ලෝකයට හඳුන්වලා දීපු තේරවිල්ලක්. එයා කියලා තියන විදිහට නම් ලෝකයේ 98% දෙනාට මේක විසඳන්න බෑලු. ඒත් ඇත්තටම ඒක හිතන තරම අමාරු නෑ. මමත් විසඳුවා.  මෙන්න මේකයි තේරවිල්ල.

 එක්තරා පාරක ගෙවල් පහක් තියෙනවලු. ඒවා පාට කරලා තියෙන්නේ එකිනෙකට වෙනස් පාට පහකින්. හැම ගෙදරකම මනුස්සයෙක් ඉන්නවලු. හැබැයි ගෙවල් පහේ මනුස්සයෝ අයිති ජාති පහකටලු. උදාහරණයක් කිව්වොත් බ්‍රිතාන්‍ය, ජර්මන් වගේ ජාති. ඒගොල්ලෝ වැඩියෙන්ම බොන්න කැමති බීමත් වෙනස් ජාති පහක්ලු. බොන සිගරට් ජාතියත් වෙනස් ජාති පහක්ලු. සුරතලේට ඇතිකරන්නෙත් වෙනස් ජාති පහක සත්තුලු. ප්‍රශ්නය මේකයි කොයි ගෙදරද මාලුවෙක් සුරතලේට ඇති කරන්නෙ?

දැන් ඉතින් ප්‍රශ්නය විසඳන්න තමා තියෙන්නෙ. Try කරලා try කරලා බැරිම නම් පහල තියෙන උපකාර අවස්ථා ගන්න පුලුවන්. ඒවා නැතිව විසඳන්න පුලුවන්නම් තමයි ඉතින් හැබෑ හපනෙක් වෙන්නේ.

1.බ්‍රිතාන්‍ය ජාතිකයා ඉන්නේ රතු පාට ගාලා තියෙන ගෙදර.
2.ස්වීඩන් ජාතිකයා සුරතලේට බල්ලෙක් ඇතිකරනවා.
3.ඩෙන්මාර්ක් ජාතිකයා බොන්න කැමතිම තේ.
4.සුදු පාට ගාපු ගෙදරට අල්ලපු ගෙදර තමයි කොලපාට ගාපු ගේ. ඒක තියෙන්නෙ සුදු ගෙදරට වම් පැත්තෙන්.
5.කොල පාට ගාලා තියෙන ගෙදර අයිතිකාරයා බොන්න කැමතිම කෝපි.
6.Pall Mall කියන සිගරට් බොන මනුස්සයා කුරුල්ලෙක් සුරතලේට ඇති කරනවා.
7.කහපාට ගෙදර මිනිහා බොන්නේ කියන Dunhill සිගරට්.
8.ගෙවල් පහේ මැද තියෙන ගෙදර මනුස්සයා බොන්න කැමතිම කිරි.
9.නෝර්වේ ජාතිකයා ඉන්න ගේ තමයි ගෙවල් පහේ පලවෙනි ගේ.
10.සුරතලේට පූසො ඇතිකරන ගෙදරට එහා පැත්තෙ ගෙදර මිනිහා කැමතිම සිගරට් ජාතිය Blends.
11. Dunhill සිගරට් වලට කැමති මිනිහගේ ගෙට අල්ලපු ගෙදර මිනිහා අශ්වයෙක් ඇති කරනවා.
12. එක මිනිහෙක් බියර් බොන ගමන් Blue Master සිගරට් බොනවා.
13.ජර්මන් කාරයා බොන්නේ Prince කියන සිගරට්.
14.නිල්පාට ගෙදරට අල්ලපු ගෙදර තමයි නෝර්වේ ජාතිකයා ඉන්නෙ.
15.එක මිනිහෙක් වතුර බොද්දී අල්ලපු ගෙදර මිනිහා Blends සිගරට් බොනවා.

ඔච්චර තමයි ඉතින් උදව් කොරන්න පුලුවන්. මාලුවා ඉන්නෙ කාගෙ ගෙදරද කියමු බලන්න.

-හරී-

2011/07/15 දා යාවත් කාලීන කිරීම

බර වැඩිද මන්දා... update කිරීම කියමුකො......

"Try කරලා try කරලා බැරිම නම් පහල තියෙන උපකාර අවස්ථා ගන්න පුලුවන්. ඒවා නැතිව විසඳන්න පුලුවන්නම් තමයි ඉතින් හැබෑ හපනෙක් වෙන්නේ." කියලා කිව්වට ඔය උපකාර නැතුව මොන ජගතෙකුටවත් විසඳන්න බෑ. (බෑ කිව්වට 20%ක සම්භාවිතාවක් තියනවා)

මුලින්ම කරන්න ඕන ගෙවල් පහයි කියපු එක එක කරුණුයි පේන විදිහට වගුවක් ගහ ගැනීම.

මුල් වාක්‍යය වලින් ගෙවල් පහේ පිහිටීම ගැන කිසිම අදහසක් නෑ. 8වෙනි වාක්‍යය මුලින්ම ගත්තනම් හරි. කෙලින්ම පුලුවන්නෙ මැද ගෙදර බීම කොටුවට කිරි දාගන්න.

9ත් එහෙමම හැදුවැකි. එක පැත්තක් එක කියලා ගන්න.ඔය විදිහට කල්පනාවෙන් එක එක දාගෙන යන්න ඕනෙ.

උත්තරය තමයි. මාලු ඇතිකරන්නේ ජර්මානු වැසියා. මම ඔය තේරවිල්ල ගත්තේ මෙන්න මෙතනින්. ඕක කඩ්ඩෙන් තියෙන්නේ විසඳන හැටි කියවලා බලන්න පුලුවන්. ඕනෙ නම් කියන්න මම පරිවර්තනය කරලා දාන්නම්. මේ දවස්වල ඇක දාන නිසා වෙලා මදි. ඒකයි වැඩි විස්තර දාන්න නොගියේ.

ගැටලුව විසඳපු try කරපු හැමෝටම ස්තුතියි. තව comment කරපු like කරපු ඔක්කොටමත් ස්තුතියි.