මහේල තිලාන් වරද පිළිගත යුතුය.....

 පසුගියදා පාකිස්ථානය හා ශ්‍රී ලංකාව අතර පැවති තරඟයෙන් පසු ඇතිවූ සිද්ධිය ගැන අටුවා ටීකා ටිප්පණි අවශ්‍යය නැත. එම තරඟයේදී ඇතිවූ තත්වයත් ඊට පසු එක් මාධ්‍යයක් එය වාර්තාකල ආකාරයත් ඔබට අමතක නැතැයි මම සිතමි. ක්‍රීඩා ලෝලී අපගේ ලේ නහර කුපිත කල ඒ වැකිය ලියන්නට උගේ පෑන් ඉස්සුනේ කෙසේදැයි අපට සිතා ගැනීමටත් බැරිය. සමහරවිට මේ දවස්වල ඉතුරා යන ( market කරන ) දේශප්‍රේමීත්වය එය කරන්නට ඇත.

ඔබ ඒ රූප රාමු ඇස් කෙසේවෙතත් කන් ඇරගෙන ඇසුවා නම් "ගේම් එක චේන්ජ් කරන්නේ යි පුන පුනා කී නිසාදෝ මහේල හා තිලාන් ඒ අනුවම චේන්ජ් කරාදැයි අපට නිකමට සිතේ " යයි කියනු පැහැදිලිවම ඇසේ. මේ නොකියා කියන්නෙ මහේල තිලාන් අල්ලස් ගත් බවද? ... අප දන්නේ නැත. නමුත් අපට වැටහෙන්නේ එයයි.

තව ටික දිනකින් "රජය අපහසුතාවයට පත් කිරීමේ අරමුණින් හා අප රටට ලෝක කුසලානය ගෙන ඒමට සිටින විරුවන් අපකීර්තියට පත් කිරිමේ අරමුණින් අපගේ ප්‍රකාශ වලට වෙනත් අර්ථකථන දීමේ වැඩපිළිවෙලක් විපක්ෂය කරගෙන යයි. ඊනියා දේශද්‍රෝහී කුමන්ත්‍රන වලට අසු නොවී අපේ රට බේරා ගැනීමට කැපවෙමු. " යැයි කියා අත සෝදා ගතහොත් අප පුදුම විය යුතු නැත. මන්ද, බත් කන කටින් *ත් කෑ හැකි බව මීට පෙරද ඔප්පු කර ඇති බැවිනි. එදා චන්ද්‍රිකා යුගයේදී චන්ද්‍රිකාට වන්දිභට්ටකම් කර ගුණ ගී ගයා දැන් කාපු පතේම ** හැටි කාටත් පෙනේ. මහේලගේ හා තිලාන්ගේ චේන්ජ් ගැන කතා කරන එවුන් එක එක දේශපාලන වුවමනාවන්ට ප්‍රවෘත්ති චේන්ජ් කරන හැටි ජනතාව දන්නා බව ඒ ගොන් හැත්ත නොදන්නේද?

"කෙහෙල් ගහට කොටපුදාට ඔක්කොම ඉවරයි" මිනිස්සු කියන්නේ කට කහනවාට නොවේ. දකින දකින තැනට අනින්න යන ගොනා අන්තිමට තමාටත් නොදැන තමාට ඇනගත්තේය. (සැ.යු.:- සමහරවිට ඇත්තටම ඇනගෙන ඇත්තේ ඌට බනින අප විය හැකිය. මන්දයත් ඉහත කතාව පසුව විකාශය වීමට නියමිත නාට්‍යයක පලමු ජවනිකාව විය හැකි බැවිනි )

මෙබඳු හාල්පාරුවන්ගේ කතා තවදුරටත් අසා සිටීමට ජනතාව මෝඩ නම් තව ලෝක කුසලාන හතක් දින්නත් රටට ඇතිවන සෙතක් නැත. රටේ ජනතාව දැන් දැන් කලයුත්තේ රටම එළ හරක් යයි සිතා සිටින මෙබඳු මී හරක් පන්නා දැමීමයි. එසේ සිදුවේද?

අවසාන වශයෙන් කීමට ඇත්තේ මහේල තිලාන් ඇත්තටම වැරදි කාරයෝය. වැරැද්ද නම් මෙබඳු හාල්පාරුවන් සිටින හා උන්ගේ වැදිබණ දෝත් මුදුනින් පිලිගන්න රටක් වෙනුවෙන් ක්‍රීඩා කිරීමයි. එයට සමාව දිය හැකිද?

"දිනන දාට කොල්ලෝ ෂා නියමයි කියලා
කරවට මල්මාල දමනවා
එකක් දෙකක් අයියෝ පැරදුනොතින් ගොයියෝ
මොකක්ද මේ කලේ අහනවා." පගාව අරගෙනයි කියනවා."

අද පිටපත **ගෙන් නොවේ.

-හරී-