බ්ලොග් ලියන කියවන හැමෝම කියවන්න....

මේක මට ආපු ප්‍රශ්නයකට මම හිතපු විසඳුමක්. කොච්චර දුරට සාර්ථකද දන්නේ නෑ. ඔයාලාගේ අදහස කියන්නකො. ඊට පස්සෙ බලමු කොච්චර සාර්ථකද කියලා. මට ආපු ප්‍රශ්නෙ මේකයි සිංහල බ්ලොග් එකක post එකක් search කරන්නෙ කොහොමද? මම කීපදෙනෙක්ගෙන් ඇහුවා ඕකට උත්තරයක් ලැබුනෙ නෑ. ඊට පස්සේ මම හිතපු දෙයක් තමයි මේ දාන්නේ.

උදාහරණයක් විදිහට හිතමුකො FaceBook Like Button එක මගෙ බ්ලොග් එකට දාගන්න ඕනා. ඉතින් මම කොහොමද search කරන්නෙ. මට පුලුවන් "How to add like button to blogger " කියලා search  කරන්න.හිතන්නකො මම English දන්නේ නෑ එහෙම නැත්නම් මම කැමති සිංහල ලිපියකට. එතකොට මට කරන්න තියෙන එකම විදිහ තමා unicode වලින් search කරන එක. ඔයාලට කොහොමද දන්නෙ නෑ මට නම් ඒක මල කරදරයක් අනික මම කවදාවත් unicode වලින් search කරලා නෑ. අනික කවුරුත් සාමාන්‍යයෙන් එහෙම කරනවා කියලා මම අහලත් නෑ.

උඩ රූපෙ බැලුවම පේනවනෙ අපිට ඕන දේ වෙන්නේ නෑ කියලා. අනිත් ප්‍රශ්නය තමයි English වලින් කියන දෙයක් සිංහලෙන් විවිධ විදිහට ලියා තිබීම. උදාහරණයකට ගත්තොත් "How to add like button to blogger "කියන එක

• Facebook like button දාගන්නේ කොහොමද?
• මූනුපොතේ කැමති බොත්තම..
• පේස්බුක් ලයික් බොත්තම දාගනිමු
• මූනුපොතේ කැමැත්ත

ආදී මෙකී නොකී ඕන විදිහකට දාන්න පුලුවන්නෙ. ඉතින් post එක කාටවත් පස්සෙ search කරලා ගන්න බැරිවෙනවා. අපි කොහොමද දාලා තියෙන title එක දන්නේ.

මම හිතපු විසඳුම තමයි අපේ පොස්ට් එකේ title එකට පිටිපස්සෙන් ඒක Engilsh වලින් දාන එක.

උදා: මූනුපොතේ කැමති බොත්තම..(How to add like button to blogger )

ඕක එච්චර සාර්ථක වෙන එකකුත් නෑ. මොකද ඔය එක title තියෙන English බ්ලොග් තිබුනොත් ඒවා කලින් එයි. අනික අපිට blog එකට යන්නේ නැතුව හිතාගන්න බෑනෙ මේක Englishද සිංහලද කියලා.
ඒකට මම හිතුවා මෙහෙම වැඩක් කරන්න. අපේ title එකට පිටිපස්සෙන් අපි දානවා ~sinhala~ කියලා.

උදා: මූනුපොතේ කැමති බොත්තම..(How to add like button to blogger ~sinhala~ )

ටිල්ඩේ කී එක (~)  යොදාගන්න තීරණය කලේ ඒක වැඩිපුර යෙදෙන්නේ නැති නිසා. එතකොට ලේසීනෙ වෙන්කරලා හඳුනා ගන්න. මම හිතන්නෙ technical බ්ලොග් ලියන අය මේ විදිහට යොදාගත්තොත් හොඳයි මොකද ඒ බ්ලොග් නෙ උවමනාවෙන්ම search කරන්න වෙන්නේ.

ඊටපස්සෙ වැඩේ තියෙන්නෙ search කරන  අයට. ඒ ගොල්ලන්ට තියෙන්නේ තමන් හොයන්න කැමති දේ type කරලා පිටිපස්සෙන් ~sinhala~ කියලා type කරන්න, ඕනා සිංහල post එකක් නම්.

මම හිතන්නෙ එතකොට සිංහල බ්ලොග් විතරක් search වෙලා ඒවි. අනික ~sinhala~ තියෙනවා කියලා search result වල පෙන්නනකොට අපි දන්නවානෙ මේක සිංහල post එකක් කියලා. ඊට පස්සේ අපිට ඒ පිටුවට යන්න පුලුවන්.

මේ ගැන ඔයාලා හැමෝගෙම අදහස කියන්නකො. ඊට පස්සෙ අපි බලමු මේක අපිට කොච්චර සුදුසුද කියලා. සුදුසුනම් පාවිච්චි කරමු. එතකොට අපිට පුලුවන්නෙ ලේසියෙන්ම ඕන දෙයක් අපේ භාෂාවෙන්ම කියවන්න.

ඔයා බ්ලොග් කියවන හෝ ලියන කෙනෙක් නම් මතක ඇතුව ඔයාගේ ප්‍රතිචාරය තියලා යන්න. අනිත් අයටත් කියවන්න සලස්වන්න.

ඔයාලා දන්න මීට වඩා හොඳ ක්‍රම තියෙනවනම් කියන්න. එතකොට අඩුම ගානෙ මටවත් ඒක දැනගත්තැකි.

-හරී-