6.11.2016

වැඩ කල් දමන්නන්ගේ සංගමයෙන් මිදීමට කාලයයි. (How to Stop Procrastinating)

මතකද මම කාලෙකට කලින් පොතක් ගැන විස්තර කිව්වා? පොත් කීපයක් ගැනම කියලා තියෙන නිසාද කට්ටිය හිතනවා ඇති මොන පොත ගැනද මම කියන්නෙ කියලා. මතකද වැඩ කරන්න හිතෙන්නෙ නැති අයට කියවලා හැදෙන්න කියා දෙන පොත. පෝස්ට් එක අන්තිමේ සමහරු ඇහැව්වා පොත කියවන්නවත් හිතෙන්නෙ නෑ. ඒකට මොකක්ද කරන්න ඕනෙ කියලා. 

ඉතින් මම නම් දන්නෙ නෑ ඒ පෝස්ට් එක කියවපු කීදෙනෙක් මේ වෙනකොට ඒ පොත කියවලා ඉවර කලාද කියලා. පොත කියවපු කීදෙනෙක් දැන් වැඩ කල් නොදා සාර්ථක වෙලා තියේවද කියලත් මම දන්නෙ නෑ තමයි. ඉතින් මොකටත් කියලා හිතුවා වැඩ කල් දාන එක නවත්ත ගන්න පුළුවන් වෙන්න පුංචි කාරණා ටිකක් පෙන්වලා දෙන්න.

මෙව්වා කිව්වා කියලා හිතන්න එපා මම සර්ව සම්පූර්ණ පුක්ගලයෙක්, මමත් මේ ඔක්කොම පිළිපදිනවා කියලා. හැබැයි මම මෙව්වා පිළිපදින්න උත්සාහ කරනවා. ඔව්. අඩුම ගානෙ අද ඉඳලවත්. ඉතින් හැමදාම වැඩ කල්දැමීම නවත්වන ක්‍රම හොයන්න බෑනෙ. ඉතින් මම කරුණු ටිකක් මෙතනට එකතු කරනවා. කවුරුහරි කෙනෙක් ඒකෙන් ප්‍රයෝජනයක් ගන්නවා නම් මට සතුටුයි.

අපි අතරින් ගොඩාක් දෙනාට අපේ එදිනෙදා ජීවිතයේ කරන්න වැඩ ගොඩාක් තියෙනවා. සමහරුන්ට ජීවිතයේ ඉලක්ක තියෙනවා. සමහරුන්ට නෑ. (මම නම් හිතෙනවා හැමෝටම ඉලක්කයක් තියෙන්න ඕනෙ කියලා. ) ඒ කොහොම උනත් කරන්න තියෙන වැඩ නම් ඉවරයක් නෑ. ඒත් අපෙන් ගොඩක් දෙනා මොකක්ද කරන්නෙ. තමුන්ට අච්චර වැඩ කන්දරාවක් කරන්න තියෙනවා අච්චර දේවල් ගොඩක් පාඩම් කරන්න තියෙනවා කියලා දැන දැනම ඔන්න කියෝනවා ඊ-මේල් එහෙම නැත්නම් බුකියට ගිහින් උඩටයි පහළටයි රෝල්  වෙනවා, එහෙමත් නැත්නම් තියෙන තරම් බ්ලොග් ඔක්කොම බලනවා මේ දැන් කරනවා වගේ.

අපිට හිතෙන්නෙ අපි වැඩ කරනවා කියලා ඒත් කිසිම දෙයක් සිද්ධ වෙන්නෙ නෑ. කරන්න තියෙන වැඩ එහෙමත් නැත්නම් පාඩම් වැඩ අන්තිම මොහොත වෙනකන් පස්සට දදා ඔහේ ඉන්නවා. ඔන්න ටික ටික අන්තිම දවස ළංවෙද්දි අපිව ගැහෙන්න ගන්නවා. ඒකට තව මාසයයි, තව සතියයි, තව දවසයි. ඇයි දෙයියනේ මම මෙව්වා මෙච්චර කල් නොකර හිටියේ? අපේ හිතම අපිට බනින්න ගන්නවා. 

මෙතන තියෙන වැදගත්ම දේ තමයි වැඩ නොකර කල් මැරුව කාලය අපි කිසිම ප්‍රයෝජනවත් දේකට යොදා නොගැනීම. අපි වැඩ ගැන යටි හිතින් හිත හිත හිටපු හින්දා අපි ඒ කාලය අඩුම තරමේ සැහැල්ලුවෙන් විනෝදයෙන්වත් ඉඳලා නෑ. වැඩ කල් දැමීමට ඇබ්බැහි උනාම වැඩ කල් දාන කාලෙත් වැඩ කරන කාලෙත් ඉන්පස්සෙ කල් දැමීම ගැන පසුතැවෙන කාලෙත් ඉන්න වෙන්නෙ පසුතැවිල්ලෙන් තමයි.

ඉතින් හිතන්නකො මේ වගේ අපි අවුරුදු ගණන් පස්සට දාපු වැඩ නැද්ද? හැමදාම "හෙට හෙට පස්සෙ පස්සෙ" කිය කිය. එතකොට අපි අවුරුදු ගාණක්ම එව්වා ගැන හිත හිත පසුතැවිලා නේද? සමහර දේවල් නැවත හරිගස්සන්න බැරිවිදිහට වෙනස්වෙලා. සමහර දේවල් නැත්තටම නැතිවෙලා. 

ඉතින් මේ විදිහට අපිව කාලා දාන වැඩ කල්දැමීමේ නරක පුරුද්ද නැතිකරගන්න තමයි මේ හදන්නෙ.

1. To Do ලිස්ට් එකක් හදා ගන්න.

කරන්න තියෙන ලොකු පොඩි හැම වැඩේම මේකට දාගන්න. ඒ වගේම මතක ඇතුව දිනපතා කල් දමන මඟ අරින එව්වට ප්‍රමුඛත්වය දෙන්න දිනපතාම කෙරෙන දේවල්වලට වැඩිය.  

අනිත් එක තමයි කරන්න තියෙන වැඩ පුළුවන් තරම් කොටස් වලට කඩාගන්න. ඒ කඩාගත්තු කොටසකුත් කරන්න හිතෙන්නෙ නැත්නම් ඒ කියන්නෙ තව කොටස්වලට වැඩේ කඩන්න පුළුවන් කියන එකයි. 

හිතන්නකො පස් කන්දක් එක තැනක ඉඳන් තව තැනකට අදින්න ඕන උනාම "කොහොමද දෙයියනේ මේ මුළු කන්දම අදින්නෙ?" කියලා හිත හිත හිටියට එක වැලි ඇටයක්වත් එහාට මෙහාට වෙන්නෙ නෑ. විල්බැරෝ එක ගානෙ අදින්න බලන්න. ඒකත් අමාරුයි නම් බාල්දියකින් අදින්න බලන්න. ඒකත් අමාරුනම් කෝප්පයක් ගන්න. කෝප්පෙකින් හරි පස් කන්ද නොඅදින තාක් එක වැලි ඇටයක්වත් හෙල්ලෙන්නෙ නෑ.

ඉතින් කෙරෙන කෙරෙන වැඩේ ලකුණු කරගන්න. දවසෙ භාගයක් විතර ගියාම තමුන් මෙච්චරවෙලා කරපුවා බලලා ආයෙ ලැයිස්තුව එහා මෙහා කරගන්න පුළුවන් නම් දන්නෙ නැතුව වැඩ ගොඩක් කෙරිලා තියේවි. තමුන් හෙට දවසේ කරන්න තියෙන වැඩ ලැයිස්තුව හදන එක අද දවසේ කරන අවසාන වැඩය විදිහට කරන්න පුළුවන් නම් ගොඩක් ප්‍රතිඵලදායකයි.

2. අමාරුම වැඩක් මුලින්

මේ කියන්නෙ උදේ පාන්දර ගෙම්බෙක් කන්න කියලා. ඇත්තටම කියන්නෙ තමුන් කරන්නෙ නැතුව කල් දදා ඉන්න අහෙම නැත්නම් අමාරු වැඩක් මුල්න් කරන්න කියලා. එතකොට අපිට පුළුවන් උදේ පාන්දර මුළු ශක්තියම දාලා ඒක කරන්න. ඊටපස්සෙ ඒක කළාම ඇතිවෙන උත්තේජනයත් එක්ක අනික් වැඩ කිරීමට ශක්තිය හම්බවෙනවලු.

3. මිනිත්තු දෙකේ වැඩ

මේක මම කියවන්න කිව්ව කලින් පොතෙත් තිබ්බා. යම් වැඩකට යන්නෙ මිනිත්තු දෙකක් නම් ඒක ලිස්ට් එකට දාන්නවත් යන්න එපා. ඒක හිතිච්ච ගමන් ඊළඟ තත්පර 120 ඇතුළත කරලා දාන්න.

4. එක එක වැඩවලට කාලයක් වෙන්කරගන්න

කොහෙටහරි වෙලා ඤංඤුං ගගා ඉන්නෙ නැතුව වැඩක් කරන්න නම් කරන්න තියෙන්නෙ යම් වැඩක් මේ කාලය ඇතුළත කරනවා කියලා හිතාගෙන වැඩට බැහීම. කාලය තියෙන වැඩ ප්‍රමාණයත් එක්ක ප්‍රායෝගික වෙන්න ඕනෙ හොඳද?

මෙහෙම හිතන්න පුළුවන් මම මගේ මේසෙ පැයකාලකින් අස් කරනවා කියලා ඒක පටන් ගන්න පුළුවන්. ඒත් මතක තියාගන්න ඒ පැය කාල ඇතුළත වෙන කිසිම දේකට හිත යොමුකරන්න එපා. පුළුවන් තරම් ඉක්මණින් ඒක කරන්න බලන්න. 

මේ විදිහට කළාම දන්නෙම නැතුව ගොඩක්වැඩ කෙරිලා තියේවි.

5. කෙටි විවේක ගන්න
තමුන්ට එක වැඩකට අවදානය යොමු කරගෙන ඉන්න බෑ කියන්නෙ විවේකයක් ඕනෑවෙලා කියන එක. එතකොට කෙටි විවේකයක් ගන්න. ඒ වෙලාවෙදි අර වැඩය ගැන අමතක කරලා සැහැල්ලු වෙන්න සතුටු වෙන්න පුළුවන් දෙයක් කරන්න. දිගටම වැඩ කරනවාට වඩා වැඩි දෙයක් කෙටි විවේක අරගෙන කරන වැඩ වලින් කරන්න පුළුවන්. 

මතක තියාගන්න විනාඩි දහයේ විවීකයක් ඉලාස්ටික වෙලා පැයක් වෙන්නත් පුළුවන්. විනාඩි දහය ඉවර වෙද්දි තව විනාඩියෙන් යනවා කියලා හිතනවා නම් ඔයා අයෙත් පුරුදු වලේම වැටෙන්නයි යන්නෙ.

6. බාධා ඉවත් කරන්න

හිතන්නකො අපි වැඩ කරන අතරෙ අපි හවසට කරන්න තියෙන දෙයක් හෝ කියවන්න තියෙන පොතක් ගැන හෝ වෙන යමක් මතක් වෙනවා කියන්නෙ කරගෙන යන වැඩේට ලොකු බාධාවක්. ඒක නිසා කරන වැඩේ ඇරෙන්න වෙන කිසිම දෙයක් ගැන කල්පනා නොකරන්න පරිස්සම් වෙන්න ඕනෙ. එහෙම කරන්න ගියොත් වෙන්නෙ නොදැනුවත්වම අපි කර කර ඉන්න වැඩේ අතපසු වෙන එක.

දහසක් වැඩ තියෙද්දි කොම්පීටරේ ඉස්සරහ වාඩි උනාම බුකියට යන්න එහෙම නැත්නම් ගොසිප් බලන්න නැත්නම් වෙන මොනාහරි කරන්න හිතෙන එක නවත්වා ගන්න ඕනෙ. ඒකට හිත පාලනය කරගන බැරිනම් මොකක් හරි සොෆ්ට්වෙයාර් කෑල්ලක් දාලා හරි බ්ලොක් කරගන්න.

7. වටපිටාව සර්ව සම්පූර්ණ වෙනකන් ඉන්න එපා.

සමහරු වැඩක් කරන්න ගියාම මේක හරිගියාම මේක කරනවා. නැත්නම් මේ මේ මේවා හම්බෙච්ච දාට මේක කරනවා. ඔය වගේ වැඩ කල් දාන්න මොකාක් හරි හේතුවක් හිතෙන් හදාගන්නවා. ඒත් තියෙන දෙයින් මොනාහරි කරන එක තමයි වටින්නෙ. 

8. වැඩක් කළාම තමුන්ටම පොඩි තෑග්ගක් දීම

අපි කවුරුත් ආසයිනෙ අපිව කවුරුහරි අගය කරනවා නම්. ඉතින් වැඩක් කරාම තමුන්වම අගය කරගන්න එක බොහොම හොඳ වැඩක්. ඉතින් වැඩක් ඉවර කළාම ඒකට තෑග්ගක් දෙන එකත් නොකරම දඬුවමක් දෙන එකත් අපි අපිවම වැඩ කල්දාන එකෙන් ගලවගන්න හේතුවක් වේවි.

අපිට හිතන්න පුළුවන් මේ වැඩ ටික ඉවර කළාම මම චිත්‍රපටියක් බලන්න යනවා, නැත්නම් මොනාහරි මම ආසා කරන කෑමක් ගන්නවා වගේ දෙයක් ඒ වගේම නොකළ දෙයක් වෙනුවෙන් අපි ආසා දෙයක් කැප කරන්න පුළුවන්.

තමුන් වැඩක් නොකළාම යම් මුදලක් කාටහරි පරිත්‍යාග කරනවා වගේ දෙයක් කළානම් ගොඩක් දුරට මේක සාර්ථක වේවි.

9. පස්සෙන් අනින්න පුළුවන් කෙනෙක්

තමුන්ට පස්සෙන් ඇනලා වැඩකරන්න මතක් කරන්න වැඩ කරන්න උනන්දු කරවන්න කෙනෙක් ඉන්නවා කියන්නෙ ඒක ඔයාට හම්බෙන ලොකු සම්පතක්. හැබැයි ඒ කෙනා වැඩ කල් නොදමන කෙනෙක් වෙන්න ඕනෙ. ඒ වගේම කරපු දේවල් අගය කරන කෙනෙක් වෙන්නත් ඕනෙ.

හැබැයි දෙන්නම වැඩ කල්දානවා නම් දෙන්නටම පුළුවන් එකිනෙකාට පස්සෙන් ඇනගන්න.

10. ප්‍රතිලාභය විඳින්න

වැඩක් නොකරන වෙලාවට, කල් නොදමා වැඩ කිරීමෙන් ඔබට ලැබීමට යන ප්‍රතිලාභ ගැන හිතන්න පුළුවන් නම් ඔබ වැඩ කල් දැමීම අඩු කිරීමට හේතුවක් වේවි. වැඩ ඉක්මණින් කිරීමෙන් අනාගතයෙ ලැබෙන සැහැල්ලුව දියුණුව හිතෙන් අත්විඳලා බලන්නකො.

11. එක පාර එකක් කරන්න

සමහරු හිතනවා එකපාර වැඩ ගොඩකට හිත යොමු කළාම ඉක්මණින් ඒ ඔක්කොම කරන්න පුළුවන් කියලා. ඒක වැරදියි. එහෙම කළාම අපි එක වැඩකට හිත යොමු නොකිරීමෙන් ඔක්කොම වැඩ පැටලෙන්න පුළුවන්.

ඔන්න මීටපස්සෙ මේ ලියපු මමත් කියවපු ඔයාලත් මේ විදිහට කරනවලු.




මූලාශ්‍ර :

  • http://www.wikihow.com/Stop-Procrastinating
  • http://jamesclear.com/how-to-stop-procrastinating
  • http://www.lifehack.org/articles/featured/11-practical-ways-to-stop-procrastination.html

21 comments:

  1. වැඩ ලැයිස්තුව හදන වැඩේ කල්දැම්මා :)

    ReplyDelete
    Replies
    1. මෙන්න මූ උපදෙස් අකුරටම ක්‍රියාත්මක කරන්න පටන් අරන්...

      සුබ පැතුම් මචෝ...

      Delete
    2. @ජගත්,
      මම පෝස්ටුව ආයෙ කියවලා බැලුවා මට වැරදිලාද? ඔයාට වැරදිලාද කියලා..

      විභීෂණ,
      ආයෙත් අහලා. අහන්න හැදෙන මිනිස්සු.

      Delete
  2. හරී,
    පොස්ටුව නම් බොහොම වටිනවා...

    මටත් ලේසියෙන් ගොඩ යන්න බැරි වැලක් තමයි ඔය වැඩ කල් දැමීම...
    බලමු මාත් ට්‍රයි කරනවා පොස්ටුව ෆලෝ කරන්න...

    ReplyDelete
    Replies
    1. මෙහෙම ලිව්වට මටත් මාර අමාරුයි බං වැඩ වෙලාවට කරන්න. දැනුත් මේ එපාවෙලා ආවෙ කමෙන්ට් ටිකට වත් රිප්ලයි දානවා කියලා.

      Delete
  3. අගෙයි අගෙයි. ට්‍රයි එකක් දීල බලන්න ඕන.

    ඔන්න මම ලිස්ට් එකේ මුලටම දැම්ම මීට පස්සෙ හීනලන්තය කියවන්නෙ නෑ කියල. හැක්..

    ReplyDelete
    Replies
    1. නියමයි නියමයි. මේ පැත්ත පළාතෙ එන්නවත් එපා. :D

      Delete
  4. මට තියෙන දුර්වල කමක් තමයි ප්‍රධාන සැලසුමකට අනුව වැඩක් කරන්න බැරිකම.
    මම වැඩකරන්න පුරුදු වෙලා තියෙන්නේ පරිනාම වාදයට අනුව, ඒ කියන්නේ වැලයන පැත්තට මැස්ස ගහනවා වගේ. ඒ ඒ වෙලාවට ගැලපෙන කුඩා සැලසුම් සාදන්න.

    ReplyDelete
    Replies
    1. ඒකත් එක්තරා විදිහකට හොඳයි. ඒත් මම අන්තිමට යන්නෙ මෙතනට කියලා ටාගට් එකක් තියෙන එක හොඳයි නේද? අර පින්තූරයක් තියෙන්නෙ හිතන්නෙ කෙලින් පාරක අපේ ගමනාන්තයට යන්න. ඒත් යන්න වෙන්නෙ වටේ පාරකින්. ඒ වගේ තමයි.

      Delete
  5. Replies
    1. අර මුදලක් දෙන වැඩේ මම කළා, මගේ මුද්ද නොදා යන දවසකට රුපියල් 100 ගානේ බිරිඳට දෙන්න. දවසක් මම හවස තේරුම් ගත්තා උන්දැට වැඩේ නෝටිස් නෑ කියලා. දවස් දෙකක් ගියා, තුනක් ගියාම මමම අහලා බැලුවා. බලනකොට මුද්ද නෑ. ඒක උස්සලා, ගෙදරට තාවකාලිකව රෙදි හෝදන්න ආපු අම්මණ්ඩි කෙනෙක්.

      Delete
    2. ආහ්හ්.. මට මඟ ඇරිලා. ඔන්න ලින්කුව දැම්මා හරියට. මොකක් හරි වැරැද්දකින් ඒකට යන්න බෑ සුදීකගෙ පාරෙන්.

      ප්‍රොකැස්ටිනේෂන් නොහොත් අන්තිම මොහොතේ වැඩ කිරීම

      මඟුල් මුද්ද නැතිවෙනවා කියන්නෙ නම් බොහොම දුක හිතෙන වැඩක් තමයි. මම මුදලක් දෙන එක නම් තවම කරලා නෑ. කරලා බලන්නම්.

      Delete
  6. බාදාවන් ගෙන් එකක් විදිහට බ්ලොගර් එකත් තියෙන්නේ අර පින්තූරේ. ඉතින් අපිට හරියයිද මං අහන්නේ.

    ReplyDelete
  7. අපිනං හමුදාවට පින්සිද්ද වෙන්න මේ විදිහට සැලසුමක් ඇතුව වැඩ කිරීම ඉගෙනගත්තා.

    ReplyDelete
    Replies
    1. වැඩේ නොකළොත් සබ්බුව හම්බවෙනවනෙ හමුදාවෙදි.

      Delete
  8. වැදගත් ලිපියක්නෙ :)

    ඔන්න ඔය හෙට ඉඳම්ම පටං ගන්නව :D

    ReplyDelete
    Replies
    1. ඔන්න ඔහේ තව දවස් කීපයයිනෙ ලබන මාසෙට. ලබන මාසෙම පටන් ගන්න. :D

      Delete
  9. මට නම් අලුත් ඩිසයින් වැඩක් ආවම පොඩි කම්මැලි ගතියක් එනවා පටන් ගන්න. වැඩේ කර මුලටම ආවම අර කම්මැලි ගතිය නැතුව යනවා...

    ReplyDelete
    Replies
    1. :O ඇත්තට? මට නම් අනික් පැත්ත. එකම ප්‍රොජෙක්ට් එකේ වැඩ කරන්න ගියාම එපා වෙනවා.

      Delete
  10. බ්ලොග් එකට අලුත් ... අද ආවෙ මුලින්ම .. හොද වැඩක් .. වටින ලිපියක් ��

    ReplyDelete

පරණ ලිපි අලුත් ලිපි කියලා වෙනසක් නෑ. හිතෙන දේ කියලා යන්න. ස්තුතියි!

Related Posts Plugin for WordPress, Blogger...