10.29.2012

නොවැම්බරේ මොකෝ කරේ

ගිය නොවැම්බර් මාසෙ තමයි මම මුලින්ම කතෝලික චාරිත්‍ර ලිපියක් ලිව්වෙ. ඒ වගේම ඒ මාසෙ එක දිගට දවස ගානෙ ලිපි පහක්ම දැම්මා. දවස ගානෙම දාපු නිසාද කොහෙද ඒවට එච්චර කියවන අයගේ අවධානය ලැබුනේ නැතිද කොහෙද. ඉතින් ආයෙමත් ඒ ලිපි වැදගත් වෙන කාලසීමාවක් ඇවිත් තියෙන නිසා ඒ ටික ආපහු මතක් කරන්න හිතුනා. 

මළවුන්ගේ නොවැම්බරය...


නොවැම්බර් මාසෙදි කතෝලික සුසාන භූමි වගේම පොදු සුසාන භූමි වල කතෝලික කොටසුත් සුද්ද පවිත්‍ර කරලා බැබලි බැබලි තියෙන්නෙ මොකද කියන එක මේ ලිපිය බැලුවොත් පැහැදිලි වේවි. කියවලා බලන්ඩකො. මේක තමයි කතෝලික චාරිත්‍ර ගැන මම ලියපු පළමුවෙනි ලිපිය.


කොටියාගේ හොල්මන........


මගේ බ්ලොගයේ පළවුනු ප්‍රථම හා එකම හොල්මන් කතාව.


ඉන්න වුන්ගෙන් මදිවට මැරිච්ච උන්ගෙනුත් හොරකං......


මේක කලින් කතාවෙ හොල්මන දැකපු සීයාම කියපු කතාවක්.  කලින් කමෙන්ට් කරපු අය නම් මේක ඇත්ත කතාවක් කියලත් කිව්වා.


පණපිටින් වැළලුනොත්....


ගමේ ගොඩේ අහන්න ලැබුනු මනුස්සයෙක්ව හා පුංචි ළමයෙක්ව පණපිටින් වළලන්න වෙච්ච සිද්ධියක්.


අන්තිම ආලේපය


මේ ලිපියත් කතෝලික චාරිත්‍ර සම්බන්ධ ලිපියක් තමයි. කතෝලික කෙනෙක් මරණාසන්න වුනාම ඉටුකරන චාරිත්‍ර වාරිත්‍ර ගැන තමයි කියවෙන්නෙ.

මේ ලිපි පහම මරණයට මළවුන්ට සම්බන්ධ ලිපි. ඒක නිසා බොහෝම පරිස්සමින් කියවන්න ඕනෙ හොඳද.  මේ ලිපියට කියන්න දෙයක් නැති නිසා ප්‍රතිචාර අක්‍රිය කරන්නම්. ඔය ලිපි පහ ප්‍රතිචාර වලට විවෘතයි. මතකනෙ "පරණ ලිපි අලුත් ලිපි කියලා වෙනසක් මට නෑ". ගිහින් එන්නම්.

සටහන : සුපුරුදු පරිදි අන්තර්ජාලය මාසෙ අන්තිමට ඉවර වෙලා නිසා ණයට ඉල්ලාගත් එකකින් තමයි පෝස්ටුව කෙටුවේ. කලින් ලිපියට වගේම පරණ ලිපි වලට ඕගොල්ලො දාලා තියෙන ප්‍රතිචාර මම දැක්කා. ඒවට මාගේ ප්‍රතිචාර නොවැම්බර් මස පටන්ගත් හැටියේ දෙන්නම්. පොරොන්දු වූ දේශයේ කතාවත් ඔන්න ලියලා ඉවරකොළා. ළඟදීම කියවන්න ලැබෙයි.

10.20.2012

හරී ජනපති ආරක්ෂකට අරී

මම සිස්සත්වෙ ඉවර කරලා ටික කලක් යනකොට අපිට ටිකක් හොඳ කල දසාවක් ලැබුනා. මුදල් හදල් එහෙම ටිකක් තිබුනා. ඒ පිහිටෙන් මට පුළුවන් වුනා රටේ තොටේ ලොකු ඉස්කෝලයක් කියලා හඳුන්වපු එකකට ඇතුල්වෙන්න. ඒ කාලෙ ජීවිතේ හරිම ලේසියෙන් ඇදිලා ගියා. හරියට පල්ලමක යන ෆුට් බයිසිකලයක් වගේ. කලින් වගේ ඉස්කෝලෙට පයින් ගාටන්නවත් පාන්දර නැගිටලා පුටාර් එකේ ලොකු අම්මලාගෙ දිහා යන්නවත් සිද්ධ වුනේ නෑ. උදේට ගේ ළඟට වෑන් එක ඇවිත් 'පෝප් පෝප්' ගාපුවම ඒකට නඟින්ඩ විතරයි තිබුනෙ. හවසටත් ශපාන් එකේ ඉඳගෙන ඇවිත් ගේ දොරකඩින්ම බැහැලා ගෙට එන්ඩ පුළුවන් වුනා.

10.05.2012

ස්වයං-විඳවීම 2

ස්වයං-විඳවීම 1 ලිපියේදී තමුන්ටම පහරදීගන්නා කසකරුවන් ගැනත් ජේසුස් වහන්සේ මෙන් කුරුසයේ ඇණගැසුම්කන්නන් ගැනත් අපි කතාකළානෙ. අද ලිපි මාලාවේ අවසාන ලිපිය බලමු.

10.03.2012

ස්වයං-විඳවීම 1


 කසයකින් තමුන්ටම ගහගෙන එහෙම නැත්නම් වෙන විදිහකින් තමුන්ගෙ ඇඟට රිදවීමක් කරගෙන ආගමික භක්තිය පෙන්වන මිනිස්සු ඉන්නවා කිව්වොත් විශ්වාස කරනවද? විශ්වාස කරන්ඩම වෙනවනෙ. බලන්ඩකො හින්දු පෙරහැරක් ඒකෙ කටුගහගත්තු අය කොයිතරම් යනවද? ඇයි දේවාලවල කෙරෙන ගිනි පෑගීම්. මම හිතන්නෙ පන්සල්වලත් තියෙනවා. ඒවාත් ඉතින් සිරුරට වදයක් දීමෙන් තමුන්ගෙ ආගමික භක්තිය පෙන්වීමක්ම තමයි. අද මම කියන්න යන්නෙ ඒ විදිහට සිරුරට වදදෙන කිතුනුවන් ගැන. එහෙනම් කියවමු ලිපිය.

Related Posts Plugin for WordPress, Blogger...